(၅) နှစ်မြောက် ရက္ခိုင့်တပ်မတော်နိ စစ်ဦးစီးချုပ်မိန့်ခွန်း ဒေနိ ၂၀၁၄ ခု၊ ဧပြီလ (၁၀) ရက်၊ ရက္ခိုင့်တပ်မတော်နိဖြစ်တေ ဒေခန်းမကြီးအခန်းအနားကို ကျင်းပခြင်းအားဖြင့် တပ်မတော်တည်ထောင်ခရေ ရည်ရွယ်ချက်၊ ငါရို့ရက္ခိုင်တပ်မတော်၏ အခြေခံမူသဘောထား တော်လှန်ရေးခံယူချက် အမျိုးသားရေးတာဝန်တိကို ရဲဘော်၊ ရဲမယ်အပေါင်းအား ပိုမိုလေးနက်စွာခံယူတတ်လာဖို့နဲ့ တော်လှန်ရေးခံယူချက်တိကို ပိုမိုမြင့်မားခိုင်မာလာအောင် မြှင့်တင်ပီးဖို့ ရည်ရွယ်ထားဟိရေ။ အခြားတစ်ဘက်မှာ မိမိရို့ရခိုင်လူထုကို တော်လှန်ရေး အမျိုးသားရေး နိုးကြားဖို့အတွက် ကြပ်မတ်နိုးဆော်ပီးရာလည်း ရောက်တယ်။ ရဲဘော်ရို့……. အားလုံးသိဂတ်တေအတိုင်း ငါရို့အဖရခိုင်ပြည်ကြီးရေ အမြင်အားဖြင့် ရန်သူနှစ်ယောက်ကြားမှာ ကျပ်ပြီးကေ အကျပ်အတည်းပေါင်းစုံနဲ့ ဒုက္ခရောက်နီရေ။ သို့သော် အမျိုးသားရေး အားကောင်းမောင်းသန်နဲ့ တော်လှန်ရေးနလန်မထူနိုင်ဖြစ်နီရရေ အဓိကလက်သေ တရားခံသည် အသားထဲကလောက်တိရှိရေ သစ္စာဖေါက်တိ အချောင်သမားတိ မျိုးချစ်မျက်နှာဖုံးစွပ်ထားရေ စံရီဖွယ်တိကြောင့်ဖြစ်တေ။ ဒေအတွင်းရန်သူတိကိုလည်း လိုအပ်ကေ လိုအပ်ရေပိုင် ကိုင်တွယ်လာဂတ်ရဖို့ဖြစ်တေ။ စာအုပ်ထဲမှာ ရှိနီရေ ပို့စ်မော်ဒယ် သီအိုရီတိ ဖတ်ဖူးမှတ်ဖူးရေ နိုင်ငံခြားတိမှာကျင့်သုံးနီရေ သီအိုရီတိနဲ့ အနာနဲ့ဆီးတတည့်မကျရေ အတတ်လွန်နိုင်ငံရေး တတိယအင်အားစုဖြစ်လိုရေ ငါသိငါတတ် ပုဂ္ဂိုလ်တိပင်လျှင် အမျိုးသားရေး ပျော့ကွက်တိအဖြစ် စိတ်ဝမ်းကွဲမှု အက်ကြောင်းဖန်တီးသူတိ ဖြစ်လာနိုင်ရေဆိုစော်ကို အထူးသတိထားဖို့လိုအပ်တေ။ ဒေနိရခိုင်လူမျိုးတိ မျက်မှောက် ကြုံတွေ့နီရရေ အနေအထားအရ ဒီမိုကရေစီ တော်လှန်ရေးသည်၎င်း ငါရို့အတွက် ပထမဦးစားပီးမဖြစ်နိုင်။ အမျိုးသားရှင်သန်ရေးနှင့် လွတ်မြောက်ရီးသာလျှင် အဓိကပဓာနကျရေလို့ မှာကြားလိုရေ။ ရက္ခိုင့်တပ်မတော်ကြီး ပြည်သူတစ်ရပ်လုံးနဲ့ လက်တွဲပြီးကေ အခက်အခဲစိန်ခေါ်မှုအပေါင်းကို ဖြတ်ကျော်ပြီး အောင်ပွဲမရကေ ရအောင်၊ တိုက်ပွဲဝင်လားရဖို့ဖြစ်တေ။ ရခိုင်နိုင်ငံတော် ကျရှူံးခစော်ရေ ရခိုင်ယဉ်ကျေးမှုဌာန ကျဆုံးလားလို့မဟုတ်၊ ကျန်းမာရေးဌာနကျဆုံးလားလို့မဟုတ်၊ ငါရို့ရခိုင်နိုင်ငံတော်ကြီး ကျရှူံးလားခစော်ရေ ရက္ခိုင့်တပ်မတော် ကျဆုံးလားလို့ဖြစ်တေ။ ကျွန်ဖြစ်နီရေလူမျိုးတစ်မျိုးအတွက် တော်လှန်ရေးလုပ်ငန်းလောက် အရေးကြီးရေလုပ်ငန်းမရှိ။ ကျူးကျော်ခံနီရရေ တိုင်းပြည်တစ်ပြည် အတွက် ခိုင်မာတင့်တင်းပြီးကေ ဂတိသစ္စာတည်ရေ တပ်မတော်တစ်ရပ်ကို အချိန်မီဖွဲ့စည်းတည်ထောင်နိုင်ဖို့စော်ထက် အရေးကြီးရေလုပ်ငန်းမရှိ။ ဒေချင့်သည်ပင်လျှင် ငါရို့ရခိုင်လူမျိုး များ၏ သီရေးရှင်ရေး အဆုံးအဖြတ်နဲ့ အနာဂတ်အတွက် အဆုံးအဖြတ်ပင်ဖြစ်တေ။ ညီညွတ်ရေးကို အကြောင်းပြပြီးကေ ကိုယ်ကျိုးရှာ အမြတ်ထုတ်လိုရေ အချောင်သမားတိရှိရေ။ လူယုတ်မာတိရှိရေ။ တော်လှန်ရေးမျိုးချစ် နာမည်ခံဗျာလ် ကြုံကေကြုံပိုင် တစ်ခါပြင်မျိုးတိလည်း ရခိုင်တော်လှန်ရေးထဲမှာ ကြမ်းပိုးတိပိုင် ခြင်တိပိုင် ယင်းပိုင်တွယ်ကပ်လို့မွီးဖွားနီဂတ်တေ။ ရှင်သန်လှုပ်ရှားနီဂတ်တေ။ အထူးသတိထားရဖို့ဖြစ်တေ။ ငါရို့တိအနေနဲ့ အခက်အခဲတိ အများကြီးရှိနီကေလည်းသို့ ဒေလုပ်ငန်စဉ်ကို မလွဲမသွေ တည်ဆောက်အကောင်ထည်ဖေါ်လားဂတ်ရဖို့ဖြစ်တေ။ ညီညွတ်ရေး၊ လုပ်ငန်းတာဝန် အထမြောက်အောင်မြင်ရေးအတွက် ငါရို့ရက္ခိုင့်တပ်မတော်ရေ ပြည်သူလူထုတစ်ရပ် လုံးနဲ့တန်းတူ အမျိုးသားရေးအပေါ်မှာ တာဝန်ခံမှု တာဝန်ယူမှု အပြည့်အဝရှိရေ ဇာအဖွဲ့အစည်းနဲ့မဆို လက်တွဲပြီးကေ လုပ်ကိုင်လားရဖို့ဖြစ်တေ။ အမျိုးသားရေး ချွတ်ခြုံကျနီရေ အခြေအနေက ရုံးထွက်နိုင်ဖို့ လွတ်မြောက်နိုင်ဖို့အတွက် ရခိုင်တစ်မျိုးသားလုံးပါဝင်ရေ လှုပ်ရှားမှုကြီးကို ဖေါ်ထုတ်ပြီကေ မိမိရို့လွတ်မြောက်ဖို့ ကိုယ်ရို့တိုင်းပြည်ကို ပြည်လည် တည်ဆောက်ဖို့အတွက် တစ်မျိုးသားလုံးနိုးနိုးကြားကြားနဲ့ ပါဝင်လာနိုင်အောင် ကြိုးစားတည်ဆောက်လားရဖို့ဖြစ်တေ။ အလွယ်တစ်ကူနဲ့ ရန်သူထောင်ချောက်ထဲကို ဝင်လားနိုင်ရေအတွက် မိမိရို့မှာပီပြင်ရေလမ်းစဉ် မှန်ကန်စနစ်ကျရေ ဦးဆောင်မှု ရခိုင်တစ်မျိုးသားလုံးညီညွတ်စွာနဲ့ ရပ်တည်ဖို့ တိုက်ပွဲဝင်လားဂတ်ဖို့ လိုအပ်တေ။ မိမိရို့ရင်ဆိုင်နီရရေ အခက်အခဲပြဿနာတိ အနာဂတ်စိန်ခေါ်မှုတိကို ပီပြင်စွာချမှတ်နိုင်ဖို့လိုအပ်တေ။ ယင်းလိုအပ်ချက်တိကို ဖြည့်ဆည်းနိုင်ဖို့အတွက် မကြာခင်ရက်ပိုင်းအတွက် ကျောက်ဖြူမြို့မှာ ညီလာခံကျင်းမဖို့ရှိရေ။ ရခိုင်အမျိုးသားညီလာခံအား အပြည်အဝထောက်ခံကြောင်း ပြောကြားလိုရေ။ ညီလာခံက ချမှတ်လာဖို့ အမျိုးသားရေးမဟာ ဗျူဟာ နည်းဗျူဟာတိ ဆုံးဖြတ်ချက်တိ၊ လုပ်ငန်စဉ်တိကို ဖေါ်ဆောင်ရေအချိန်မှာလည်း ရက္ခိုင့်တပ်မတော်အနေနဲ့ မိမိရို့နဲ့သက်ဆိုင်ရေ ကဏ္ဍတိုင်းမှာ တက်ကြွစွာနဲ့အောင်မြင်စွာ တာဝန်ကျီပွန်စွာ ထမ်းဆောင်လားဖို့လို့ သန္ဒိဌာန်ချထားရေ။ ယင်းကြောင့် အမျိုးသားညီလာခံ ထမြောက်အောင်မြင်ရေးအတွက် အဘက်ဘက်ကဝိုင်ဝန်းပြီးကေ ဆောင်ရွက်လားဖို့ဖြစ်တေ။ ဒေနိ မြန်မာနိုင်ငံရေးအခြေအနေမှာလည်းသို့ နိုင်ငံရေးအပြောင်းအလဲတိ လုပ်နီရေဆိုသော်ငြားလည်း သေချာမှုမဟိသော မှန်းဆရခက်သော တစ်စုံတစ်ရာ အကောင်အထည် လက်ဆုတ်လက်ကိုင် မပြနိုင်သော ပြောင်းလဲမှုတိရာဖြစ်တေ။ ဒေကြားထဲမှာ မိမိရို့ရခိုင်ပြည်သူတိနဲ့ ရက္ခိုင့်တပ်မတော်အနေနဲ့သော်လည်းကောင်း ကြိုတင်ပြင်ဆင်မှုတိ ပြုလုပ်ထားပြီးကေ သတိကြီးကြီးနဲ့ တပ်လှန့်ထားဖို့လိုအပ်တေ။ အတုယောင်အခွင့်အရေးတိ နောက်ကိုလိုက်ယင်း ရန်သူထောင်ချောက်ထဲ မဝင်မိစီဖို့ ထပ်လောင်းပြီးကေ သတိပီးလိုရေ။ နိဂုံးချုပ်အနေနဲ့ ပြောလိုစော်က အကြောင်းအမျိုးမျိုးကြောင့် ဇာတိမြီကို စွန့်ခွာလားရောက်နီဂတ်ရရေ ရခိုင်လူမျိုးတိ အဖရခိုင်ပြည်ကို ပြန်လာနိုင်ရေးအတွက် ကြိုးစားဆောင်ရွက်ဂတ်ဖို့နဲ့ အမျိုးသားရေးသတိကို လက်မလွတ်စီဖို့ တိုက်တွန်းလိုရေ။ ညီညွတ်ရေးကို တည်ဆောက်စော်မှာလည်းသို့ အတိတ်ကာလက ရရှိပြီးသား သင်ခန်းစာတိကို သတိလက်မလွတ်ဂတ်စီဖို့ တိုက်တွန်းလိုရေ။ စုစည်းကျစ်လစ်ခိုင်မာမှုနဲ့ အမိန့်နာခံမှုအားကောင်းသော တော်လှန်ရေးသစ္စာပြည့်ဝသော ရခိုင်အမျိုးသားတပ်မတော်အဖြစ် ပီပြင်စွာပေါ်ပေါက်လာဖို့ ကြိုးစားတည်ဆောက်ရဖို့ဖြစ်တေ။ လက်နက်ကိုင်တပ်ဖွဲ့အသီးသီးကို ပြန့်ကြင်းပြီးကေ ရောက်ရှိလားဂတ်တေ ရခိုင်စစ်သည်အားလုံးကိုလည်း မိမိရို့ ရက္ခိုင့်တပ်မတော်နဲ့အတူ တစ်ပေါင်းတည်းတစ်စည်းတည်း အဖရခိုင်ပြည်အတွက် တိုက်ပွဲဝင်နိုင်ဂတ်ဖို့ ကြိုးစားတည်ဆောက်ဂတ်ရဖို့ဖြစ်တယ်။ ရခိုင်အမျိုးသားညီလာခံ ထမြောက်အောင်မြင်ရေး ရက္ခိတလမ်းစဉ် ချမှတ်အကောင်အထည်ဖေါ်ရေး အမျိုးသားညီညွတ်ရေး လုပ်ငန်းစဉ်တိကို ဖေါ်ဆောင်ရေးရို့အတွက် အားလုံးလက်တွဲချီတက် တိုက်ပွဲဝင်ဂတ်ပါလို့ ပြောကြားရင်း နိဂုံးချုပ်အပ်တေ။
0 comments